तानसेन–९ डाँडाडुम पाल्पामा होम स्टे तालिम

तालिममा दुई दिन पर्यटन र होम स्टे, होम स्टेको अवधारणा, कानुनी प्रबन्ध, पर्यटकीय पूर्वाधार, अतिथि सत्कार, पर्यटकसँगको व्यवहार जस्ता विषयमा सैद्धान्तिक कक्षाहरु चलाइएको छ । पाहुनाको स्वागत र बिदाइ, घर कोठाको सजावट, खाना र खाजाका परिकार निर्माण, स्थानीय कला र संस्कृतिको प्रदर्शनलगायतका विषयमा दुई दिन प्रयोगात्मक कक्षाहरू सञ्चालन भएको मुख्य प्रशिक्षक शम्भु कार्कीले बताउनुभयो ।

तालिमपछि दिदीबहिनीहरूले स्थानीय सामग्री प्रयोग गरी ३५ प्रकारका खानाका परिकारहरू बनाएर अतिथिहरुलाई स्वादन गराउनुभयो । डाँडाडुमका ६६ घरधुरीमध्ये सुरुमा ११ घरमा होम स्टे सञ्चालन गर्ने लक्ष्य रहेको छ ।