पाल्पा ।
एसबिआई बैंक पाल्पा शाखाले एक विषेश कार्यक्रमको आयोजना गरी दमकडा माध्यमिक विद्यालयमा अध्ययन गर्ने दृष्टिबिहीन विद्यार्थीलाई ल्यापटप, विभिन्न खेलकुद सामग्री तथा जाडोमा लगाउने न्यानो कपडा (स्कूल पोशाक) सहितका शैक्षिक सामग्री हस्तान्तरण गरेको छ ।
विद्यालयमा आयोजित एक कार्यक्रमका माझ एसबिआई बैंक पाल्पा शाखाका शाखा प्रबन्धक बिजय घिमिरेले विद्यालय व्यवस्थापन समितिका अध्यक्ष राजेश कुमार आर्याल तथा प्रधानाध्यापक मोहनप्रसाद सापकोटालाई सामग्री हस्तान्तरण गर्नुभएको हो ।
कार्यक्रममा बोल्दै शाखा प्रबन्धक घिमिरेले विद्यालयले दृष्टिबिहीन विद्यार्थीलाई अध्यापन गराएर एक बहुआयामिक विद्यालयको रुपमा आँफूलाई स्थापित गरेकोमा खुसि व्यक्त गर्दै आगामि दिनमा समेत सहयोग गर्ने प्रतिबद्धता व्यक्त गर्नुभयो ।
त्यसै अवसरमा विद्यालय व्यवस्थापन समितिका अध्यक्ष तथा ता.न.पा ९ का अध्यक्ष अर्यालले बैंकको सामाजिक उत्तरदायित्तव अन्तर्गत प्रदान गरेको सहयोगप्रति खुसि व्यक्त गर्दै धन्यबाद ज्ञापन गर्नुभयो । कार्यक्रम विद्यालयका सहायक प्रधानाध्यापक होत्रीराज ढुंगानाको संचालनमा भएको थियो ।
